Imaginative write-up
(ಮಕ್ಕಳಿಗಾಗಿ) ಪ್ರಹಸನ ಮೂರ್ಖ ಗೂರ್ಖಾ
ಪಾತ್ರಗಳು
1. ಗೂರ್ಖಾ 2. ಕಳ್ಳ
Scene 1
ಗೂರ್ಖಾ: ಏಯ್ ಯಾರೋ ನೀನು ಇಷ್ಟು ಹೊತ್ನಲ್ಲಿ ಮನೆಯೊಳಗಿನಿಂದ ಬರ್ತಾ ಇದೀಯ ?
ಕಳ್ಳ: ಅಯ್ಯೋ ಸಿಕ್ಕಿ ಬಿಟ್ಟೆನಲ್ಲಾ... ರೀ ಗೂರ್ಖಪ್ಪನೋರೆ, ದಯವಿಟ್ಟು ನನ್ನ ಬಿಟ್ಟು ಬಿಡ್ರೀ. ನಾನೊಬ್ಬ ಮಾಮೂಲಿ ಚಿಕ್ಕ ಕಳ್ಳಾ ರೀ
ಗೂರ್ಖಾ: ಅಂತೂ ಸಿಕ್ಕಿದೆಯಲ್ಲ, ಸರಿಯಾಗಿ ಕೆಲ್ಸ ಮಾಡೋದಿಲ್ಲ ಅಂತಾ ನನ್ನ 4 ತಿಂಗಳುಗಳಲ್ಲಿ 5 ಕಡೆ ಕೆಲಸದಿಂದ ಕಿತ್ ಹಾಕಿಸಿಕೊಂಡು ಕಷ್ಟಪಟ್ಟು ಈ ಕೆಲ್ಸನ ಹೇಗೋ ಪಡೆದುಕೊಂಡಿದ್ದೇನೆ. ಇನ್ನೂ 1 ತಿಂಗಳೂ ಕೂಡ ಆಗಿಲ್ಲ. ಈಗ ನಿನ್ನನ್ನ ನಾನು ಬಿಟ್ಟು ಬಿಡ್ತೀನಾ ?
ಕಳ್ಳ: ಏನೂ 5 ಕಡೆ ನಿಮಗೆ ಕೆಲ್ಸ ಹೋಯ್ತಾ ? ಯಾಕೆ ಈ ಕೆಲ್ಸ ಮಾಡುತ್ತೀರ? ಆರಾಮವಾಗಿ ಹಣ ಗಳಿಸೋ ವಿಧಾನ ಒಂದಿದೆ
ಗೂರ್ಖಾ: ಆ! ಏನದು ಕೆಲ್ಸ ?
ಕಳ್ಳ: ಆಏನಿಲ್ಲ (ಯೋಚನೆ ಮಾಡುತ್ತಾನೆ)
ಗೂರ್ಖಾ: ಬೇಗ ಹೇಳು
ಕಳ್ಳ: ಹಾ. ನಿಮ್ಮ ಕೆಲಸದಲ್ಲಿ ರಾತ್ರಿ ಡ್ಯೂಟಿ ಸಹ ಇದೆಯಾ ?
ಗೂರ್ಖಾ: ರಾತ್ರಿ ಡ್ಯೂಟಿ ಕೂಡ ಅಲ್ಲಾ . ಬರೀ ರಾತ್ರಿ ಡ್ಯೂಟಿ ನೇ ಇದೆ ಗೊತ್ತಾ
ಕಳ್ಳ: ಹಾಗಾದ್ರೆ ರಾತ್ರಿ ಎದ್ದಿರೋದು ನಿಮಗೆ ಸುಲಭ ಅಂದ್ ಹಂಗೆ?
ಗೂರ್ಖಾ: ಹೌದು ಹೌದು
ಕಳ್ಳ: ಹಾಗಾದ್ರೆ ತುಂಬಾ ಸುಲಭದ ಕೆಲ್ಸ ಒಂದಿದೆ
ಗೂರ್ಖಾ: ಸುಲಭ.... ಅಯ್ಯೋ ಬೇಗ ಹೇಳಯ್ಯ ಯಾವ ಕೆಲ್ಸ ಅಂತ
ಕಳ್ಳ: ಏನಿಲ್ಲ ನನ್ ಜೊತೆ ಸೇರಿಬಿಡಿ ಇಬ್ರೂ ಸೇರಿ ಒಳ್ಳೇ ಹಣ ಕಮಾಯ್ಸ್ ಬಹುದು
ಗೂರ್ಖಾ: ಏನೂ ಕಳ್ಳತನ ಮಾಡು ಅಂತೀಯ. ಏನೋ ಒಳ್ಳೇ ಕೆಲ್ಸ ಅಂತ ಹೇಳ್ತಿದ್ದೀ
ಕಳ್ಳ: ಕಳ್ಳತನ ಕೂಡ ಒಂದು ಕೆಲ್ಸ ಸ್ವಾಮಿ. ಮತ್ತೇ ರಾತ್ರಿ ಮಾತ್ರ ಡ್ಯೂಟಿ
ಗೂರ್ಖಾ: ಏಯ್ ಚುಪ್. ಏನೋ ಕೆಲ್ಸ ಅಂತಾ ಬಹಳ ಖುಷಿಯಾಗಿದ್ದೆ. ಸಧ್ಯ ನನ್ನ ಈಗಿನ ಕೆಲ್ಸ ಹೋಗದೇ ಇದ್ದರೆ ಸಾಕು. ಹೇಗೂ ನೀನು ಸಿಕ್ಕಿದ್ದೀಯಲ್ಲ ಇನ್ನು ಒಂದು ವರ್ಷ ಆದ್ರೂ ಇದೇ ಕೆಲಸದಲ್ಲಿ ಇರಬಹುದು. ಹಾ ಹಾ ಹಾ
ಕಳ್ಳ: ರೀ ಸ್ವಾಮಿ ಗೂರ್ಖಪ್ಪ ನೊರೇ ನನ್ ಬಿಟ್ಟು ಬಿಡ್ರೀ ದಯೆವಿಟ್ಟು
ಗೂರ್ಖಾ:ಬಿಡೋದಾ, ಅದ್ ಮಾತ್ರ ಸಾಧ್ಯವಿಲ್ಲ
ಕಳ್ಳ: (ಯೋಚನೆ ಮಾಡಿ) ಹಾಗಾದ್ರೆ ಒಂದ್ ಸಣ್ಣ ವಿಷಯ ಮರೆತು ಹೋಗಿದೆಯಲ್ಲ
ಗೂರ್ಖಾ: ಏನದೂ ?
ಕಳ್ಳ: ಇಲ್ಲಿ ನೋಡಿ. ತುಂಬಾ ಕಲ್ಲುಗಳಿವೆ. ನೀವೋ ಬೂಟ್ಸ್ ಹಾಕಿದ್ದೀರ. ನನ್ನ ಕಾಲು ನೋಡಿ, ಚಪ್ಪಲಿನೇ ಇಲ್ಲ
ಗೂರ್ಖಾ: ಏಕೆ ?
ಕಳ್ಳ: ಮನೆಯೊಳಗೆ ಮರೆತು ಬಿಟ್ಟಿದ್ದೀನಿ ಅದಕ್ಕೆ
ಗೂರ್ಖಾ:ಅದಕ್ಕೆ ನಾನೇನು ಮಾಡ್ಲಿ ?
ಕಳ್ಳ: ನೀವು ಏನೂ ಮಾಡಬೇಡಿ, permission ಕೊಟ್ರೆ ಒಳಗೆ ಹೋಗಿ ಚಪ್ಪಲಿ ಹಾಕೊಂಡ್ ಬಂದ್ ಬಿಡ್ತೀನಿ
ಗೂರ್ಖಾ: ನೀನು ಹಾಗೇ ಓಡಿ ಹೋದರೆ ?
ಕಳ್ಳ: ನಾನೇಕೆ ಓಡಿ ಹೋಗ್ಲಿ. ಇಲ್ಲಿ ತಂದಿದ್ದೀನಲ್ಲ ಕಳ್ಳ ಸಾಮಾನು, ಇದನ್ನು ಇಲ್ಲೇ ನಿಮ್ಮ ಹತ್ತಿರ ಇಡ್ತೀನಿ. ನಾನು ಹೀಗೆ ಹೋಗಿ ಹಾಗೇ ಬಂದ್ ಬಿಡ್ತೀನಿ
ಗೂರ್ಖಾ: ಅದು ಸರೀನೆ, ಸಾಮಾನು ಇಲ್ಲೇ ಇದ್ರೆ ನಿನ್ನ ನಾನು ಕಳಿಸಬಹುದಲ್ವಾ
ಕಳ್ಳ: ಅದೇ ಸ್ವಾಮಿ ನಾನು ಹೇಳೋದು
ಗೂರ್ಖಾ: ತಕ್ಷಣ ಬರಬೇಕು ?
ಕಳ್ಳ: ಹೀಗೋಗಿ ಹಾಗೆ ಬಂದ್ ಬಿಡ್ತೀನಿ
(ಸ್ವತಃ ) ಸಧ್ಯ ಬದುಕಿದೆಯಾ ಬಡ ಜೀವವೇ..
(ಓಡಿ ಹೋಗುವನು)
ಗೂರ್ಖಾ: ಎಷ್ಟೋ ಹೊತ್ತಾಯ್ತು ಇನ್ನೂ ಬರಲಿಲ್ಲವಲ್ಲ. ಸಧ್ಯ ಯಾರೂ ನೋಡಲಿಲ್ಲ. ನೋಡಿದ್ರೆ ಕಳ್ಳನನ್ನು ಹಿಡಿದಿಲ್ಲಾ ಅಂತ ನನ್ನ ಕೆಲಸಕ್ಕೆ ಕೊಕ್ ಕೊಡುತ್ತಿದ್ದರಲ್ಲ.
Scene 2
ಗೂರ್ಖಾ: ಏಯ್ ಯಾರೋ ನೀನು.... ಹಾಂ ನಿನ್ನೆಯ ಕಳ್ಳಾನೇ. ಏನಯ್ಯ ಚಪ್ಪಲಿ ತರ್ತೀನೀ ಅಂತ ಹೊಗೆ ಕೈ ಕೊಟ್ಟಿದ್ಯಲ್ಲ
ಕಳ್ಳ: ಅಯ್ಯಾ ತಪ್ಪಾಯ್ತು ಸ್ವಾಮಿ. ಇನ್ಮೇಲೆ ಹಾಗೆ ಮಾಡೋಲ್ಲ. ಇದೊಂಸಾರಿ ನನ್ನ ಬಿಟ್ಟು ಬಿಡಿ ದ್ಯಾವರೇ
ಗೂರ್ಖಾ: ಏನೂ ? ನಿನ್ನ ಬಿಡೋದಾ. ಸಾಧ್ಯವೇ ಇಲ್ಲ. ನಡೀಯಯ್ಯಾ ನನ್ನ ಜೊತೆಗೆ ಪೊಲೀಸ್ ಸ್ಟೇಷನ್ ಗೆ
ಕಳ್ಳ: (ಯೋಚನೆ ಮಾಡುತ್ತಾ ಗೂರ್ಖಾನ ಕಾಲುಗಳನ್ನು ನೋಡಿ) ರೀ ಗೂರ್ಖಾ ಸಾಹೇಬರೇ, ನಿಮ್ಮ ಕಾಲು ನೋಡ್ಕೊಳ್ಳಿ
ಗೂರ್ಖಾ:ಯಾಕೆ ? ಅರೇ ಬೂಟ್ಸ್ ಏ ಹಾಕಿಲ್ಲವಲ್ಲ
ಕಳ್ಳ: ಅದೇ ಸ್ವಾಮಿ ನಾನು ಹೇಳ್ತಿರೋದು. ನೋಡಿ ಎಷ್ಟೊಂದು ಕಲ್ಲುಗಳಿವೆ. ಇಂತಹ ಜಾಗದಲ್ಲಿ ನೀವು ಹೇಗೆ ಬರೀ ಕಾಲಿನಲ್ಲಿ ನಡೆದು ಬರ್ತೀರಾ. ಮತ್ತೇ .. ಪೊಲೀಸ್ ಸ್ಟೇಶನ್ ನಲ್ಲಿ ನೀವು ಗೂರ್ಖಾ ಎಂದು ಹೇಗೆ ತಾನೇ ಒಪ್ಕೋತಾರೆ ಪೊಲೀಸ್ನವರು ? ಬೂಟ್ಸ್ ಇರಲೇಬೇಕಲ್ಲವಾ ?
ಗೂರ್ಖಾ: ಹೌದು. ನೀನು ಹೇಳೋದೂ ಸರಿ. ಆದ್ರೆ ಬೂಟ್ಸ್ ಅಲ್ಲಿ ಮನೆ ಹಿಂದುಗಡೆ ಇರುವ ನನ್ನ ರೂಮಿನಲ್ಲಿ ಇದೆಯಲ್ಲಾ. ಅಲ್ಲಿ ಬಿಟ್ಟಿದ್ದೀನಿ
ಕಳ್ಳ: ನಾನು ಹೋಗಿ ತಂದು ಕೊಡಲಾ ?
ಗೂರ್ಖಾ: ನಾನೇನು ಮೂರ್ಖ ಅಂದ್ಕೊಂಡಿದ್ಯಾ ಅಲ್ಲಿಗೆ ನಿನ್ನ ಕಳಿಸೋಕೆ ? ಮತ್ತೆ ನಿನ್ನೆಯ ತರಹ ನೀನು ಓಡಿ ಹೋಗ್ತೀಯಾ ಅಂತ ನಂಗೆ ಗೊತ್ತಯ್ಯ
ಕಳ್ಳ: ಅಯ್ಯಾ ಅದಲ್ಲ ನಾನು ಹೇಳುತ್ತಾ ಇರುವುದು. ನೀವು... ನೀವು.... ಹೀಗೆ ಮಾಡಬಹುದಲ್ವಾ ?
ಗೂರ್ಖಾ: ಹೇಗೆ ?
ಕಳ್ಳ: ನನ್ನ ಕಳಿಸೋಕೆ ನಿಮಗೆ ಸಂಶಯ. ಆದ್ರಿಂದ ನಾನು ಇಲ್ಲೇ ಇರ್ತೀನಿ. ಎಲ್ಲೂ ಹೋಗಲ್ಲ. ನೀವೇ ಹೋಗಿ ಬೂಟ್ಸ್ ತಂದುಬಿಡಿ
ಗೂರ್ಖಾ: ಹಾಂ . ಇದು ಸರಿ. ನನಗೆ ಹೊಳದೇ ಇಲ್ಲ. ನೀನು ಇಲ್ಲೇ ಇರು. ನಾನು ಈಗಲೇ ಹೋಗಿ ಬೂಟ್ಸ್ ನ ಹಾಕೊಂಡ್ ಬಂದ್ ಬಿಡ್ತೀನಿ.
(ಹೋಗುವನು)
ಕಳ್ಳ: ಅಬ್ಬಾ. ಜೀವ ಬದುಕಿತು, ಈ ಸಾರಿ ನಾನು ಕದ್ದಿದ್ದ ಸಮಾನೂ ಕೂಡ ನನಗೇ ಸಿಕ್ಕಿತಲ್ಲ. ಹಾ ಹಾ ಹಾ
(ಓಡಿ ಹೋಗುವನು) (ಮಕ್ಕಳಿಗಾಗಿ ಬರೆದಿರುವುದು)
curtain closes..
